Garbiketa eta prestaketa

Fabrikazio-prozesuetan, funtsezkoa da gainazal eta piezetan metatutako hondakinak ezabatzea, ekoizpen-prozesuaren kalitatea bermatzeko.

Egiaztatu denez, kutsadurarekin loturiko arazo ugari ageri dira punta-puntako sektoreetan (automobilgintza, aeronautika edo elektronika) osagaien erabilerari dagokionez, eta, beraz, gero eta zorrotzagoak dira esparru horretako kalitate-estandarrak.

Zergatik da beharrezkoa gainazalak garbitzeko eta prestatzeko prozesu sakon bat definitzea?

Kalitate handiko azken produktua bermatzeko, beharrezkoa da gainazalaren prestaketa eta osagaien garbiketaren kalitatea kontrolatzea:

Gainazala aplikatu aurretik, ezinbestekoa da behar bezala eta kontu handiz prestatzea: horrek definituko du estaldura baten errendimenduaren 90% baino gehiago. Gainazalaren prestaketa oker edo osatu gabe eginez gero, teknologikoki aurreratuena den estaldurak ere huts egingo du lehenago edo geroago. Gainazala prestatzearen helburua da kutsatzaile guztiak erabat ezabatzea, ondoren gainazaleko estaldura edo tratamendua jasotzeko prest uzteko, oinarrizko materialari nahi diren propietateak emanez.
Fabrikazio-prozesuetan (mekanizazioa, estanpazioa, soldadura, eta abar) piezetan metatutako hondakinak ezabatzea faktore erabakigarria da, bermatzeko behar bezala gauzatzen direla ekoizpen-zikloaren ondorengo faseak, bai eta amaitutako pieza biltegiratzeko eta bezeroari bidaltzeko ere.

Garbiketa-maila gorena bermatzeko prozesua kontrolatzea

Zikinkeriaren jatorria zehaztea

Ondorengo fabrikazio-prozesuetan arazoak saihesteko behar den azaleko garbitasun-maila zehaztea

Errefusak saihestea

Zero Akats lortzea

Zer eskaintzen du CIDETECek?

Soluzio teknikoak eskaintzen dizkiegu ekoizpen-arazo errealei, arazoa azkar diagnostikatuz eta soluziorik onena emanez:

1.

Garbitzeko eta prestatzeko prozesuak optimizatzea, besteak beste, koipegabetzea, fosfatatzea, desugertzea, anodizatzea, kromatzea...

2.

Kutsatzaileak detektatzea eta aztertzea.

3.

Kutsatzaileen jatorria ebaluatzea.

4.

Haien tipologia identifikatzea.

5.

Garbitze-prozesuetako etapa kritikoak ebaluatzea.

Norentzat?

Manufaktura-industriaren balio-katearentzat: materialen prozesadoreak, akabera-industria, osagaien fabrikatzaileak, azken erabiltzaileak/jatorrizko ekipamenduen fabrikatzaileak.

Automobilgintza

Aeronautika

Espazioa

Elektronika

Zeuk esan
hurrengo
aplikazioa

Gure gaitasunak eta azpiegitura

Zikinkeria aztertzeko, karakterizatzeko eta kontrolatzeko laborategiak

CIDETECek granulometria kuantifikatzeko eta zikinkeria ezaugarritzeko ekipamenduak ditu, izan zikinkeria hori organikoa zein ez-organikoa:

  • ORGANIKOA, ebaketa-fluidoetatik, itsasgarrietatik, oreetatik, fluxuetatik eta abarretatik datorrena.
  • EZ-ORGANIKOA, garbiketa-produktuen, oxidoen, urratzaileen, partikula metalikoen eta abarren hondakinetatik datorrena.
Planta pilotuak

Gure instalazio pilotuetan, prozesamendu industrialaren egiazko edozein baldintza simulatu dezakegu, eta, hala, akabera-baldintza zorrotzenetara egokitzen ditugu emaitzak.

  • Immertsio bidezko garbiketa
  • Garbiketa mekanikoa
  • Laser bidezko garbiketa

Galderarik bai?