Konposite jasangarriak

Cidetec > surfaceengineering cidetec > Gure eskaintza > Gainazal eta material jasangarriak > Konposite jasangarriak

Konposite jasangarriak

Konpositeak material ezagunak dira oso, eta, haien lehiakortasunari esker, hainbat industria-merkatutan aplikatzen dira, batez ere errendimenduaren eta pisuaren arteko orekagatik. Hala ere, ingurumen-politika berrien eta duela gutxi harturiko zero hondakin konpromisoen ondotik, beharrezkoa da konpositeek ingurumena gehiago errespetatzen duten bertsioetarantz eboluzionatzea.

Ildo horretan, aeronautika, energia eolikoa, automobilgintza eta halako sektore garrantzitsuak dira inbertsiogile nagusiak, soluzio tekniko alternatiboak nahi baitituzte konpositeak baliatzen jarraitzeko.

Zergatik konposite jasangarriak?

Ildo horretan, kimika kobalente dinamikoan oinarritutako polimero eta konposite termoegonkor aurreratuen belaunaldi berria da aukera tekniko erakargarrienetako bat

Kimika kobalente dinamikoa sartzeak zenbait propietate «adimendun» ahalbidetzen ditu. Hala, konposite eta polimero termoegonkorren belaunaldi berri bat eratzen da, eta, haien bidez, hainbat xede lor daitezke:

Errendimendu handia

Lehiakortasuna (ekoizpen- eta mantentze-kostuak murriztea)

Birprozesagarritasuna

Konpongarritasuna

Birziklagarritasuna

Zer eskaintzen dugu?

CIDETEC Surface Engineeringek 2014tik lan egiten du kimika dinamikoan oinarrituriko konpositeetan eta polimero termoegonkor aurreratuetan (3R teknologia deritzona). Neurrira eginiko soluzioak gauzatu ditugu hainbat sektoretako enpresekin batera egindako garapen-proiektuen bidez, batez ere automobilgintzan, energia eolikoan, trenbideetan eta aeronautikan.

3R konpositeak soluzio lehiakorragoa eta jasangarriagoa dira epoxi matrizeko material konposatuak erabiltzen diren sektore eta aplikazioetan.

Zer eskaintzen dugu:

Neurrira egindako 3R epoxi erretxinaren formulazioak, aplikazio eta fabrikazio-prozesu espezifikoetarako.
Forma konplexuetan ondutako 3R epoxi konpositeak birprozesatzea.
Azkar eta ekonomikoki konpontzea 3R konpositeen deslaminazioak eragindako kalteak.
3R itsasgarriak, agindu bidez desitsatsi daitezkeenak.
Birziklatze kimiko eta mekanikorako bideak.

Norentzat?

Polimero-industriaren balio-kate osorako: lehengaien hornitzaileak, piezen eta osagaien fabrikatzaileak, azken erabiltzaileak/jatorrizko ekipamenduen fabrikatzaileak.

Azken erabiltzaileak:

Automobilgintza

Aeronautika

Osasungintza

Eolikoa

Garraio Publikoa

Aisialdia eta kirolaktes

Construcción

Eraikingintza

Zeuk esan hurrengo aplikazioaiguiente aplicación

Gure gaitasunak eta azpiegiturak

Gure diziplinarteko taldeak trebetasun sendoak eta esperientzia zabala ditu hainbat industria-sektoretan, eta gaiturik dago abangoardiako ikerketa gauzatzeko.

Era berean, CIDETEC Surface Engineeringek erabat ekipaturiko laborategiak ditu, polimero eta konpositeen propietate fisiko eta termomekanikoak sintetizatzeko, prozesatzeko eta karakterizatzeko. Esate baterako:

Diseinurako I+Gko laborategiak

Zuntzez indarturiko konpositeak diseinatzeko eta sintetizatzeko, epoxi sistemetarako aurreinpregnazio-makinak barne, besteak beste.

Saiakuntza eta karakterizaziorako I+Gko laborategiak

Materialen saiakuntzak eta karakterizazioak egiteko: egitura, konposizioa, propietate termikoak, prozesagarritasuna, zuntz-bolumenaren edukia eta propietate mekanikoak (trakzioa, konpresioa, flexioa, inpaktua…), besteak beste.