noticia

Innovative advanced Materials for Europe (IAM4EU) lankidetzan ere parte hartuko du

Innovative Advanced Materials Initiative (IAM-I) elkartea 2025eko urtarrilaren 30ean abiarazi zen ofizialki Bruselan, Europa osoko 260 kide baino gehiagorekin, Material Aurreratuetan adituak diren ETEak, korporazio handiak, unibertsitateak eta Europa osoko zentroak barne, eta urte amaierarako 300 kide baino gehiago izatea espero da. Elkarte hori funtsezko eragilea izango da material aurreratu berritzaileen arloko Europako politikak definitzeko, izan ere, IAM4EU, Innovative advanced Materials for Europe lankidetza sortzen ari dena arautuko duen alderdi pribatua izango da, Europako Batzordearekin martxoaren amaierarako aurreikusitako akordioa sinatu ondoren.

CIDETECek elkarteko kide gisa parte hartzeaz gain, bere gobernu organoetako kide ere bada, eta CIDETEC Surface Engineeringeko Europako Programen Negozio Garatzailea den Elena Jubete doktoreak ordezkatuko du. 2025eko urtarrilaren 31n egin zen IAM-Ien lehen Batzar Nagusia, eta bertan aukeratu ziren bere gobernu organoetako ordezkariak, eta Elena aukeratu zuten Elkartearen Ordezkaritzaren barruan zentro teknologikoetarako Europako 4 eserlekuetako baterako. Horrela, CIDETECek aktiboki lagunduko du ekimenaren barruko estrategian eta erabakiak hartzen, eta material berritzaileen ikerketan eta garapenean duen esperientzia emango du.

Ekimenak zeregin erabakigarria izango du Europako ikerketa- eta berrikuntza-ekosistema baten eraikuntzan, ekonomia digitalaren eta zirkularraren printzipioekin bat datozen material aurreratu jasangarrien eta lotutako teknologien garapena eta merkaturatzea bizkortuko duena. Bereziki, formalizatzear dagoen Advanced Materials for Europe (IAM4EU) Europako partneriatu koprogramatua Horizon Europe programaren barruan dago, balio kate erresiliente eta zirkularretan, zeharkako teknologietan eta metodologia berritzaileetan oinarritutako I+G agenda sendo bat ezartzeko helburuarekin. IAM-Iek lankidetza estuan lan egingo du Europako Batzordearekin (DG Research, DG Grow) eta interesa duten beste alderdi batzuekin, esku hartzeko funtsezko arloak definitzeko, material aurreratuetan prestakuntza eta hezkuntza sustatzeko, eta material horiek Europaren gizarte- eta ingurumen-erronkei aurre egiteko funtsezko bideratzaile gisa kokatzeko.

Horrela, CIDETECek berrikuntzarekin eta jasangarritasunarekin duen konpromisoa berresten du, inpaktu handiko ekimen horretan parte hartuz, Europako industriaren eta gizartearen etorkizunari forma emango dioten material aurreratuak garatzen lagunduz.

Sistemak korrosioak sortutako akatsak detektatzea du helburu, petrolio eta gas-instalazioetan

CUIDETEC (Corrosion Under Insulation DETECtion and prediction in steel pipes) proiektuaren partzuergoaren kideek diseinatutako hodien demostratzailerako muntaia prest dago eta urtebete darama martxan CIDETEC Surface Engineering-en instalazioetan. Proiektu honen helburua petrolio eta gas-instalazioen mantentze-lanetarako prozedura bat garatzea da, isolamendupeko korrosioak (CUI) kaltetu dituen hodi eta ekipoen osotasuna kudeatzeko hardware eta software tresnak erabiliz. Sistemak korrosioak eragindako akatsak detektatu, kokatu eta kuantifikatzeko diseinatu da.

Demonstratzailea CIDETEC Surface Engineering eraikinaren terrazan instalatuta dago gaur egun. Isolamendu termikoa ezarri aurretik, akats artifizialak sortu ziren hodiak CUI simulatuz. Demonstratzaile honek ziklo termikoak jasaten ditu, petrolio eta gas sektoreko hodi baten baldintzak simulatuz.

Korrosio-akatsak detektatzeko probak teknika ez-suntsitzaileak erabiliz egin dira, korronte-pultsatuko transduktore bat eta transduktore akustiko elektromagnetiko bat barne hartuta. Hauek konbinatuta, isolamenduaren bidez neurtzeko, CUI-ak sortutako akatsen neurriak kalkulatzeko eta detektatutako eremuen hormaren lodieraren mapa sortzeko aukera ematen dute. Akatsak arrakastaz identifikatu ditu hodietan 360 graduko bira egin eta mugitzeko gai den robot bati lotutako sentsore batek.

CUIDETEC nazioarteko proiektu bat da, eta parte-hartzaileak hauek dira: Innerspec Technologies UK, Helmholtz-Zentrum Hereon GmbH, Nuromedia GmbH, Robolan robotic engineering, Design Business & Verification Services (DBV) eta CIDETEC Surface Engineering.

Proiektu hau Eurostars-3 programa bateratuak finantzatzen du, CDTIren eta Europar Batasuneko Horizon Ikerketa eta Berrikuntza Esparru Programaren laguntzarekin. Gauzatzeko epea 2023ko urtarrilean hasi zen eta 2024ko abenduan amaituko da.

Joan den urrian, CIDETEC Surface Engineering-ek proiektuaren aurrerapenen jarraipen-bilera bat egin zuen.

CIDETEC Surface Engineeringek malgutasun handiagoz sortuko ditu material jasangarriak.

CIDETEC Surface Engineeringek eskuratu du Filament Winding eta ATL (Automatic Tape Laying) ekipo berri bat, guztiz automatizatua, konposatuak fabrikatzeko teknologietan munduko liderra den Mikrosam fabrikatzailearena. Tresneria berri honek malgutasun handiagoz aritzeko aukera emango dio CIDETEC Surface Engineeringi material jasangarriak sortzean, bereziki 3R teknologiaren bidez (epoxi erretxina birziklagarri -recyclable-, konpongarri -repairable- eta birprozesagarriak -reprocessable-), eta etekina aterako diote horri gaur egun martxan dauden hainbat proiektuk, europarrak (Cubic, Genex) nahiz bertakoak (EcoH2Mov, Hi-Mugi).

“Ekipo honek aukera emango digu gure garapenak goragoko maila batera eramateko, eta geure ekarpena egiteko material konposatu jasangarriagoak erabiltzeari, Energiaren sektorean, sektore Aeroespazialean eta Automobilgintzaren sektorean”, adierazi du Eva García-Lecina CIDETEC Surface Engineeringeko zuzendari-ondokoak.

Ekipamendu berriaren software espezializatuari esker, bobinaketa egin daiteke hezean eta lehorrean (towpreg), eta zehaztasunez koka daitezke norabide bakarreko aurrez inpregnatutako tape-ak. Ekipo berriak indartu egingo du CIDETEC Surface Engineeringen lidergoa material aurreratuen teknologietan.

Epoxi erretxinen etorkizunaz eta material birziklagarrien sorkuntzan duten paperaz eztabaidatu dute adituek.

CIDETEC Surface Engineering izan zen Specific Polymersekin elkarlanean joan den urriaren 9an antolatu zen CUBIC proiektuaren programa akademikoaren bigarren prestakuntza-saioaren eszenatokia. Ekitaldian, epoxi erretxinen ibilbidea esploratzeko interesa zuten 21 parte-hartzaile bildu ziren, aurkikuntzatik hasi eta bitrimeroetan erabili arte, material konposatu iraunkorragoak sortzeko.

Prestakuntzak erronka bati heldu zion: petroliotik eratorritako monomeroak alternatiba bio-oinarridunekin eta sare kobalente moldagarrien potentzialarekin ordezkatzea, material autokonpongarriak, moldagarriak eta birziklagarriak sortzeko aukera ematen baitute. Gainera, CIDETEC Surface Engineeringek patentatutako 3R erretxinen erabilera nabarmendu zen material zirkularren fabrikazioan, birziklatze kimiko, mekaniko eta termoformatuko prozesuetan arreta berezia jarrita.

Saio honek aukera baliotsua eskaini zien ikertzaileei erretxinen eta material konposatu jasangarrien belaunaldi berriari buruzko ezagutzak eskuratzeko eta partekatzeko.