endika

Apirilaren 23 eta 24an izango da eta izena emateko epea zabalik dago.

CIDETEC Surface Engineering-ek eskalatze industriala eta gainazalak tratatzeko planta pilotuei buruzko workshop bat hartuko du apirilaren 23an eta 24an. Ekitaldiak, Sure2Coat proiektuaren laguntzarekin eta Bilasurf proiektuaren parte hartzearekin, lehen mailako adituen hitzaldiak izango ditu, Siemens AG, Elsyca, Helmholtz-Zentrum Hereon, Micro-Arc S.C., Aveiroko Unibertsitatea eta Ceit bezalako erreferentziazko enpresa, zentro eta unibertsitateetatik etorriak.

Arima hotelean egingo diren bi jardunaldietan, Ceit eta CIDETEC Surface Engineering enpresen instalazioak bisitatu ahal izango dira, hainbat instalazio pilotu baitaude gainazaleko tratamenduak eskalatzeko, eta bertan zuzeneko erakustaldiak egingo dira.

SURPASS proiektuak trenbideen sektorean erabiltzen diren pieza metalikoak ordeztuko dituzten polimero-materialak lantzen ditu, CO2 isuriak murrizteko.

 

SURPASSek urte eta erdi darama polimero-materialen diseinu seguruago, jasangarriago eta birziklagarri bat (SSRbD, ingeleseko siglengatik) ezartzeko prozesuan aurrerapausoak ematen. Horren helburua plastikoen erabilerak pertsonengan nahiz ingurumenean dauzkan ondorio kaltegarriak ezabatzea da.

CIDETEC Surface Engineering-ek trenbideen sektorera bideratutako kasuetako bat zuzentzen du. Bertan, 3R (birprozesagarria, konpongarria eta birziklagarria) teknologiaren bidez, epoxi-konposatu birziklagarri eta jasangarri bat garatu du, trenak eraikitzeko erabiltzen diren pieza metaliko astunak ordezteko balioko duena, trenak arinagoak izan daitezen eta, ondorioz, CO2 isuriak murritz daitezen. Une honetan, CIDETEC Surface Engineering-eko ikerlari talde bat ICT Fraunhofer eta BASF zentroetako adituekin elkarlanean ari da material hori suarekiko erresistentea izan dadin eta trenbideen inguruko araudia gorde dezan.

CEA zentroak koordinatzen duen eta ia 5 milioi euroko aurrekontua daukan proiektu europar honen baitan, aldi berean, beste bi erabilera-kasu garatzen dira eraikuntzaren eta bilgarrien sektoreetarako. Bi sektore horiek, garraioaren sektorearekin batera, Europako plastiko-eskariaren % 70 sortzen dute; beraz, ezinbestekoa da sektore horietan diseinutik hasita jasangarritasuna aintzat hartzea, eta industrian joera-aldaketa bat eragitea.

CIDETEC Surface Engineering-ek haize-sorgailu flotatzaileen egitura-integritatea kudeatzeko eredu digital bakarra ikertu eta gauzatuko duen proiektuan parte hartzen du.

Partzuergoaren lehen bilera, zeina NAUTILUS Floating Solutions-ek koordinatu baitzuen, irailaren 30ean izan zen; partzuergoko 12 enpresa bildu ziren bertan, guztiak ere erreferente globalak energia eoliko flotatzailearen sektorean.

INTEGRIA proiektua (“Energia eolikoaren arloko egitura-INTEGRitatea ikertzea adimen artifizialean oinarritutako ereduen bitartez”) adimen artifizialean oinarritutako eredu digital bat sortzeko azaldu zen. Proiektu horretan CIDETEC Surface Engineering-ek eta energia eolikoaren sektorean erreferenteak diren enpresek parte hartzen dute, eta helburu hau du: osagai guztiek datuak eman ditzatela, eta datu horiek eredu digitaletan sartu ondoren, hutsegiteak, nekeak, narriadurak eta abar detektatzeko eta prebenitzeko ereduak sortzeko behar den informazioa eman dezatela. Eredu horiekin jarduteko eta mantentze-lanak egiteko (O&M) erabakiak hartzeko algoritmoak sortuko dira, eta, horrela, offshore parke eoliko flotagarrien bizitza baliagarria luzatu ahal izango da.

2022an, teknologia flotatzailea merkaturatzeko behin betiko jauzia egin zen, mundu osoan zehar parkeak egiteko eremuak adjudikatu baitzituzten. Parke horiek teknologia honen 30 GW-eraino instalatuta eduki nahi dituzte hurrengo hamarkadan. Estatuan, Espainiak 2030ean parke eoliko flotatzaileen 3 GW instalatzea du helburu. Hori aukera paregabea da Euskadiko hornidura-katearentzat, energia eoliko flotatzailearen arloan prototipo-mailan kokatuta baitago dagoeneko.

INTEGRIA proiektuan prototipo indibidualetan agertzen ez diren erronkak proposatzen dira; izan ere, teknologia denbora-tarte mugatu batean ondo dabilela frogatzetik parke baten bizitza baliagarri osoan lan egingo duela bermatzera igaro behar da. Jauzi teknologiko handia dago lehenengo prototipoaren bideragarritasun teknikoa frogatzeko prototipo horri gehiegizko garrantzia ematetik prototipo horren bideragarritasun ekonomikoa frogatzeko bere diseinua optimizatu arte.

Gaur egun, offshore jardunerako eta mantentze-lanetarako era askotako ereduak eta tresnak daude eta arazo zehatzetarako konponbide zehatzak ematen dituzte. Eredu horiek bereziak izateaz gain, beste gabezia batzuk ere badituzte: ez dute benetako informaziorik hutsegite-tasei buruz, ez dute merkaturako orientazio egokirik eta ez dute ikuspegi integralik osagai kritikoei buruzko alderdi guztiak biltzeko, ezta parke baten jardunaren eta mantentze-lanen inguruko jarduerei buruzkoak biltzeko ere.

Laburbilduz, arazoari buruzko hurbilketa integralak falta dira, eredu bakar bat datuak aztertzeko eta erabakiak hartzeko gai izatea ahalbidetzen dutenak.

INTEGRIAk honela eman nahi die irtenbidea erronka horiei: itsasoan egindako jardunari buruzko datuekin entrenatutako datuetan (AA) oinarritutako ereduak lortuz; sentsorika integratuta duten trantsizio-piezak diseinatuz; adimen artifizialaren ereduak elikatzeko datu ugari bilduz, biltegiratuz eta prozesatuz; adimen artifizialaren ereduari esker benetako datuak monitorizatuz eta emaitzei aurrea hartuz; eta adimen artifizialean oinarritutako ereduak fisikan oinarritutako ereduekin elkartuz.

INTEGRIA aukera paregabea da Euskadirentzat, parte hartzen duten enpresen indarrak nabarmentzen baititu. Gainera, Euskadiko industria merkatuan modu bereizgarrian kokatzeko aukera emango duen elkarlana sustatzen da. Partzuergoa honako hauek osatzen dute: NAUTILUS Floating Solutions, proiektuaren koordinatzailea eta plataforma flotatzailearen garatzailea; ALERION, aerosorgailuen drone bidezko ikuskapenetako espezialista; COREMARINE, offshore sistemen monitorizazioan espezializatutako ingeniaritza; DITREL, plataforma flotagarrietarako konektore elektrikoen garatzailea; ERREKA, lotura hariztatu adimendunen fabrikatzailea; GLUAL, aerosorgailuaren pitch sistema hidraulikoaren fabrikatzailea; HINE, aerosorgailuaren pitch sistema hidraulikoaren fabrikatzailea; IBERMÁTICA, arreta datuen bilketan eta azterketan jartzen duen enpresa; INNOMAT (Mugape), gainazaleko estalduretan aditua; KERA-COAT, gainazaleko estaldura zeramikoetan aditua; LAULAGUN, paladun errodamenduaren eta orientazioko errodamenduaren fabrikatzailea; eta NAVACEL, trantsizioko piezen eta metalezko egitura handien fabrikatzailea.

Gainera, Zientzia, Teknologia eta Berrikuntzaren Euskal Sareko (ZTBES) 4 erakundek parte hartzen dute proiektuan. CEIT, CIDETEC Surface Engineering eta TECNALIA zentro teknologikoek eta ENERGIA KLUSTERREKO ELKARTEAk.

Eusko Jaurlaritzaren Ekonomiaren Garapen, Jasangarritasun eta Ingurumen Sailak (HAZITEk programa) eta Eskualde Garapeneko Europako Funtsak (EGEF) finantzatutako proiektua.

CIDETEC Surface Engineering zentroak kimika dinamikoaren bidez erretxinaz inpregnatutako karbono-zuntzak diseinatuko ditu. Zuntz horiek azken produktu iraunkorragoak fabrikatzeko erabiliko dira gero.

CIDETEC Surface Engineering proiektu berri batean ari da parte hartzen Europan, konplexutzat jotzen diren produktuen iraunkortasuna eta zirkulartasuna hobetzeko helburuarekin —orain arte birziklatu ezin ziren egitura konposatuen bidez fabrikatuta zeudelako jotzen dira produktu horiek konplexutzat—.Horretarako, CUBICek ─Aitiip Centro Tecnológicok koordinatuta─ oinarri biologikoa duten material berriak sortzeko aukera ikertuko du, batez ere lignina eta landare-olioak oinarri hartuta, % 100 birziklagarriak izango diren bitarteko produktu berriak diseinatzeko.Material horiek, bestalde, bi prototipo iraunkor egiteko baliatuko dira: hidrogenoa biltegiratzeko edukiontzi bat eta auto-eserleku bat.

 

Material berri horiek bere horretan edo beste batzuekin konbinatuta erabili ahal izango dira, azken produktuak fabrikatzeko.Material berrien artean honako hauek aipa daitezke: poliamidaz indartutako xaflak, pelletak, pikorrak eta hariak, edo erretxinaz inpregnatutako karbono-zuntza.CUBICek, gainera, kimika dinamikoko teknologia eta prozesu berriak aztertuko ditu, fabrikazio-prozesu berean bitarteko hainbat produktu konbinatu ahal izateko.

Proiektu honek, halaber, produktuen osagaiak banakatzeko bideragarritasuna erakutsiko du, eta, horrela, osagai horien birziklapena erraztu eta balioa handituko du, azpiproduktu berri gisa eraldatuta.CUBICen barruan, bizi-zikloari, kostuari eta gizarte-metodologiei buruzko ebaluazioak egingo dira, baita oinarri biologikoko materialak eta haien fabrikazio-prozesuak hobetzeko tresna digitalak ere.Produktuen zirkulartasuna eta haien bizi-amaiera iraunkorrago baterako metodo prediktiboak hobetzea da azken xedea.Horrela, merkatuaren eraberritzea optimizatuko du CUBICek, merkatuak material berri horiek errezelorik gabe onar ditzan, fabrikazio-metodo malguagoei bide emanez eta Europako manufaktura-industriaren eraldaketa ekologiko-digitala bultzatuz.

 

CUBIC proiektua Circular Bio-based Europe Joint Undertakingek (CBE – JUk) finantzatutako ikerketa- eta berrikuntza-proiektua da, Horizon Europe programaren barruan dagoena ─Europar Batasuneko Ikerketa eta Berrikuntzarako Esparru Programaren barruan, alegia─, 101111996 zenbakidun Diru-laguntza Akordioa tarteko.Proiektuak 42 hilabeteko iraupena du eta ia 4,7 milioi euroko aurrekontua. Gaitasun osagarriak dituzten 13 bazkide europarrek hartuko dute parte guztira; horien artean sei industria-bazkidek —Specific Polymers, Comfil, Carbotainer Proyectos, Moses Productos eta QPLAN enpresa txiki eta ertainek eta Novamont enpresa handiak—, sei ikerketa- eta teknologia-erakundek —Aitiip, Centexbel, CIDETEC Surface Engineering, Idener, DITF, Circe— eta erakunde akademiko batek —Limerickeko unibertsitatea—.

Hidrogenoa garraiatu, banatu eta biltegiratzeko balioko du.

Deskarga luminiszenteko lanpara bidezko emisio optikoko espektroskopia-ekipo berri horrek aukera ematen du beren izaera eta/edo lodiera dela eta beste teknika batzuekin aztertu ezin diren geruza anitzeko estalduren eta/edo material eroaleen, ez-eroaleen eta balio erantsi handiko hibridoen oinarrizko konposizioa eta lodiera zehazteko.

RF-GDOES (Glow Discharge Optical Emission Spectroscopy) karakterizazio-ekipoak CIDETECen garatzen diren askotariko estaldurei, gainazal-tratamenduei eta bateriei buruzko ezagutza berriak sortzen lagunduko du, bai eta Espainiako eta Europako industriaren erronka zientifiko eta teknologiko nagusiei erantzuten ere.Ekipo horren abantaila nagusien artean, geruza bakarreko nahiz anitzeko estaldura askoren —metalikoak, organikoak, zeramikoak eta konpositeak— oinarrizko konposizioko profilak zehaztasun eta bereizmen handiz egiteko aukera nabarmentzen da; izan ere, beste teknika batzuekin hauteman ezin diren elementuak ere azter daitezke, hala nola H eta B. Horri esker, CIDETEC Surface Engineeringek goi-mailako ezagutza zientifikoa sortu ahal izango du, eta bere ikerketetan aurrera egin.

WCIDETEC Surface Engineeringen egiten diren proiektuetatik, hidrogenoa erregai gisa garraiatzeari, banatzeari eta biltegiratzeari lotutako proiektuetan izango da lagungarri GDOES karakterizazio-ekipoa, proiektu horietan funtsezkoa baita estalduretan/materialetan hidrogenoa detektatzea.