TorPropel

TorPropel teknologiaren helburua da propultsio aeronautikoaren teknologian aurrerapausoak ematea, bultzadaren efizientzia eta zarata-murrizketa ezaugarri dituzten geometria toroidaleko helizeak garatuz eta hobetuz. Horretarako, karbono-konposatu aurreratuak eta azken belaunaldiko fabrikazio robotikoko prozesuak erabiltzen dira. Teknologia horrek aukera ematen du helize bidez propultsatutako aireontzien errendimendua nabarmen hobetzeko. Abiazio-plataformetan kategoria oso bereizgarria da hori, eta bertan sartzen dira, pistoi edo elektrizitate bidezko propultsatzailez hornitutako hegazkin txikiagoak, aireratze eta lurreratze bertikaleko aireontziak (VTOL), tripulatu gabeko aire-ibilgailuak (UAV) eta, are, diseinu-kontzeptu berritzaileagoetan oinarritutako aireontziak, esate baterako, propultsio banatuko sistemak dituztenak. TorPropel teknologiak kategoria aeroespazialeko karbono-konposatuen garapena du xede, bai eta fabrikazio robotikoko irtenbide berritzaileak txertatzea ere, errendimenduaren alorreko helburu kritikoak eta profil arin bat lortzeko eta, aldi berean, helizeen birziklagarritasuna eta konpongarritasuna lehenesteko. Gainera, helizearen egituran bertan baldintzak kontrolatzeko sistema sofistikatuak ditu proiektuak. Alderdi horiek ezinbestekoak dira helizearen egiturazko integritatea denbora errealean ebaluatzeko, eta, horrela, segurtasuna bermatzeko eta mantentze-lanen denbora eta kostuak nabarmen txikitzeko. Oro har, espero da TorPropel teknologiak helizeen errendimenduan, iraunkortasunean, pisuan, jasangarritasunean eta birziklagarritasunean hobekuntza adierazgarriak ekartzea. Horrenbestez, proposatutako teknologiak propultsio aeronautikoko teknologiaren esparruan ekarpen garrantzitsua egitea espero da, abiazioaren industriako jardunaren eraginkortasuna eta ingurumen-jasangarritasuna hobetuz. Horrela, erraztu egingo da isilagoak izango diren eta ingurumenari gehiago erreparatuko dioten distantzia laburreko airezko bidaietarako aro berri baterako bidea.

CIDETEC Surface Engineeringek propultsatzaile toroidal birziklagarri eta konpongarri bat ekoizteko bitrimero bat formulatuko du, eta ICOMATek fabrikatuko du, Zuntzezko Zizailadura Bizkorreko prozesua erabiliz (Rapid Tow Shearing – RTS). Horretarako, aurretiaz bitrimeroarekin inpregnatutako karbono-zuntzezko zintak ekoitziko dira. CIDETECek helizeak birziklatzeko prozesua ere aztertuko du, agente kimiko jakin batzuk erabiliz, bitrimeroa hazi eta murriztean oinarrituta. Konponketa-prozesua ere aztertuko da GMIrekin batera.