Surfaces-Engineering

Maiatzaren 14an eta 15ean ECOXY proiektuaren 24. hilabeteari dagokion bilera egin zen Karlsruhen. Fraunhover ICT institutuaren instalazioetan izan zen bilera, eta, bertan, proiektuan azken 6 hilabeteetan (M19-M24) egindako aurrerabidea, lortutako emaitza nagusiak, eta emango diren hurrengo pausoak berrikusi zituzten proiektuaren bazkideek. WP leader bakoitzak bere lan-paketean egin diren aurrerapenak eta lortu diren emaitzak azaldu zituen, pakete bakoitzean parte hartu duten bazkideen laguntzaz.

CIDETECen aldetik Sarah Montesek eta Aratz Genuak hartu zuten esku, WP1 (Project Management) lan-paketeko aurrerabide tekniko nahiz finantzarioen berri emateko.

Partzuergoaren hurrengo bilera 2019ko azaroan egingo da, AITIIP zentroaren instalazioetan, Zaragozan.

Joan den apirilean, CIDETEC Bartzelonako Advanced Factories azokan egon zen, fabrikazio aditiboaren bidez ekoiztutako azalen post-tratamenduaren erronkak eta aukerak aurkezten. Enpresen lehiakortasuna hobetzera bideratuta dago azoka, automatizazioaren ezarpenetik eta prozesuen digitalizaziotik 4.0 industriaren barne dauden teknologiekin erabateko integrazioraino.

Orain arte, industriak bere ahalegin guztiak bildu ditu fabrikazio aditiboaren bi lehenengo urratsetan, hau da, diseinuan eta fabrikazioan, baina post-tratamenduaren fasean ez da antzeko aurrerapenik egin. Fabrikazio aditiboaren bidez lortutako piezen ehuneko altu bati euskarriak kendu behar zaizkio edo azal-zimurtasuna nabarmen kendu. Gaur egun industrian erabiltzen diren soluzioek eskuzko eragiketa gehiegi behar dituzte edo gastu handia dakarte, eta gehienetan, piezaren amaierako kostuaren erdia da hori.

Cidetec-ek fabrikazio aditiboaren alde egin duen apustu honen adierazle da Addimat-ekin (Fabrikazio Aditiboko eta 3Dko Teknologien Espainiako Elkartea) bat egin izana eta sektoreko foru espezializatuetan (Advances Factories eta Addit3D, besteak beste) parte hartzea.

Horrek guztiak Cidetec-ek fabrikazio aditiboaren post-tratamenduaren eremuan duen kokapena sendotzen du. Izan ere, eremu horretan daukan lidergoa irmotu nahi du Cidetec-ek, sektorean garatutako ekimen nagusietan agertuz eta parte hartuz.

Ildo horretatik, 2019ko azaroaren 6an eta 7an Cidetec Surface Engineering-ek PostAdditive 2019 kongresua antolatuko du Donostian. Bertan, fabrikazio aditiboaren bidez ekoiztutako materialen post-tratamenduarekin lotutako teknologien aurrerapen berrienak eta aukera industrialak aurkeztuko dira.

Gai honi buruzko informazio gehiago nahi izanez gero, sakatu ondorengo estekan eta Interempresas Fabricación Aditiva aldizkarian duela gutxi argitaratu genuen testua irakurri ahalko duzu.

https://www.interempresas.net/Fabricacion-aditiva/Articulos/244884-Posprocesado-de-componentes-metalicos-producidos-por-tecnologias-de-fabricacion-aditiva.html

CIDETEC Surface Engineering eta LEICA Microsystems-ek antolatutako “Ioi bidezko leunketa/bonbardaketa” jardunaldia Donostiako Parke Teknologikoan burutuko da maiatzaren 16an.

Workshop honen helburua da industriako eragileei azaltzea SEM eta TEM mikroskopioetarako ioi bidezko leunketaren abantailak eta jardunbide egokiak. Bertaratzen direnek beren laginak ekartzeko aukera izango dute, adituekin laguntzarekin argitu ahal izateko lagin horiek teknika honekin tratatzeko metodo eta baldintza onenak zeintzuk diren. Jardunaldian zehar erakutsiko da nola lagun dezaketen Leica EM TXP eta Leica EM TIC3X gailuek ondorengo lanetan:

– Kalitate handiko zeharkako ebakidurak burutzea.
– Ia edozein materialen gainazaleko leunketak burutzea horizontalean.
– Prestaketan zehar deformazioa edo kaltea ahalik eta gehien murriztea.

Programa:

Gehienez ere 25 pertsona onartuko dira. Sarrera doakoa da baina aldez aurretik izena eman behar da.

Informazio gehiago eta izena ematea: santiago.sevillano@leica-microsystems.com

 

Apirilaren 24an ospatzen da mundu osoan Corrosion Awareness Day eguna, biztanleria ekonomian eta segurtasunean eragin izugarria duen alderdi honi buruz kontzientziatzeko helburuarekin. Arazo honek duen garrantzia irudikatu ahal izateko aski da esatea korrosioak urtero 2,5 bilioi dolarretik gorako galerak eragiten dituela mundu osoan, NACE-ren datuen arabera. Hau da, segundo gutxi oro 5 tona altzairu disolbatzen dira edo, gauza bera dena, batez besteko pisua duten 4 kotxe inguru.

Naturan, metalak egoera oxidatuan aurkitzen dira nagusiki, oxido edo sulfuro mineralen moduan. Mineraletan oinarritutako metalen prestaketarako energia handia behar da mineralak metal puru bilakatu ahal izateko eta, horren ondorioz, mineral horien joera termodinamikoa modu espontaneoan beren egoera naturalera itzultzea da: korroitu egiten dira.

Salbuespenak salbuespen, metalen korrosioaren arrazoia izaten da metalaren eta haren ingurunean dagoen agente oxidatzaile baten arteko oxidazio-erredukzio (redox) erreakzio atzeraezina. Beraz, korrosioa honela defini genezake: eragile kimiko anitzek metal baten gainazala erasotzea ahalbidetzen duten fenomeno fisiko-kimikoen multzoa. Oro har, prozesu natural eta espontaneoa izaten da eta haren zuzeneko eta zeharkako ondorioek milioika pertsonei eragiten diete, hainbat objektu eta ekipamenduren bizitza erabilgarria mugatzeaz gain.

Beraz, korrosioaren kontrola eta prebentzioa, gainazal teknologiarekin batera, oso garrantzitsuak dira teknologian oinarritutako gizarte batentzat. Gaur egun dugun erronka nagusietako bat irtenbide berritzaileak aurkitzea da, ez bakarrik korrosioa ekiditeko, baizik eta korrosioaren alderdi positiboari onura ateratzeko ere.

CIDETEC-etik korrosioak dakarrenaren inguruko kontzientzia piztearen aldeko apustua egin dugu eta egun honetarako antolatutako ekimenekin bat egin dugu. Ildo horretatik, datorren ekainaren 19an CIDETEC Surface Engineering-en instalazioetan burutuko da, GOMENSORO-METROHM-ekin lankidetzan, “Korrosioaren karakterizazio eta ebaluaziorako metodo elektrokimikoak” mintegia..

 

Clean Sky 2 ekitaldiaren esparruan bi eguneko goi mailako konferentzia bat burutu zen, 2019ko apirilaren 9an eta 10ean Bruselan. Konferentzia horretan ikerketa aeronautiko puntakoena jorratu zen, Horizon Europe programaren etorkizunarekin batera. Lehenengo egunean hizlari nagusiak Europako industria aeronautikotik, Europako Parlamentutik eta Europako Batzordetik etorritakoak izan ziren, ikerketa zentroetako eta mundu akademikoko hizlariekin batera. Bigarren egunean, aldiz, Clean Sky 2 programak momentura arte lortutakoa hurbilagotik aztertu zen.

CS2 posterren saioan zehar, Jaime Ochoa doktoreak (Business Development Manager at Strategic Partnering Unit, CIDETEC) ECOLAND proiektuaren helburu nagusia agertzen zuen posterra aurkeztu zuen. ECOLAND proiektua REACH-ekin bateragarria den elektrofokalizazio anaforetikoko (edo “E-coat”) tratamendu egoki bat garatzear dago, gaur egun aplikazio aeronautikoetan Al 7000 aleazioetarako erabiltzen den Cr (VI) oinarriko margo eta anodizatzeak ordeztuko dituena. Aipatu beharra dago ere gaur egun erabiltzen diren tratamendu hauek debekatuta egongo direla 2024. urtetik aurrera.

Bestalde, ECOLAND proiektuaren ingurumen alderdi nabarmenenak eta proiektua maila industrialetara zabaltzeko prozesua (TRL 5) ere azaldu ziren.