Surfaces-Engineering

Urtean bitan egiten da IntAIRCOAT jardunaldia, eta interes handiko biltzarra da aeronautikako OEMek eta OEMak produktu kimikoz eta ekipamenduz hornitzen dituztenek zer joera markatzen dituzten jakiteko. Aurten Hanburgon egin da biltzarra, maiatzaren 13tik 15era bitarte, eta gai nagusi hauek jorratu dira:

• REACh and environmental aspects
• Process automation
• Special effect surfaces and new paint technologies
• Efficiency and process optimization
• Additional session: Internal aircraft coating

CIDETECen izenean, Jorge Rodríguez doktoreak Clean Sky, Ecoland eta Chopin proiektuetan egindako aurrerapenak aurkeztu zizkien AEB, Alemania, Frantzia eta Erresuma Batuetatik etorritako parte-hartzaileei. Bestalde, AIRBUS eta BOEING aurre-tratamenduen eta pinturen esparruan zer joera markatzen ari diren ikasteko aukera ere izan zuen.

Biltzarraren esparruan, bisitaldi bat antolatu zen Airbus-Hanburgoko FAL (Final Assembly Line) lerroaren margotze-hangarretara, A320, A321 eta A380 bana margotzeko lanak erakusteko. FALen instalazio horietan aparatuen fuselajea eta hegalak margotzen dira. Gainerako piezak, baita hegalaren atal mugikorrak ere, jadanik margotuta iristen dira.

IntAIRCOAT Conference 2019 proiektuari buruzko informazio gehiago lortzeko: https://www.intaircoat.com/

ECOLAND proiektuari buruzko informazio gehiago lortzeko: https://cidetec.es/eu/egitasmoak/surface-engineering-5/ecoland-3

CHOPIN proiektuari buruzko informazio gehiago lortzeko: http://www.chopin-project.eu/

CIDETEC Surface Engineering-en izenean, Eva García Lecina eta Germán Cabañero “Automotive Interiors Expo 2019″an izan ziren, joan den maiatzean Stuttgart-en ospatutakoa. Bertan, ibilgailuen barruko diseinuen azken produktuak eta teknologiak aurkeztu ziren.

“Automotive Interiors Expo 2019” aurtengo edizioa handiena izan da orain arte, 180 pertsona baino gehiagok azken produktuak eta berrikuntzak ikusi ahal izan zituztela bertan.

Aldi berean, bisitariek “Style & Technology Studio”ra joateko aukera izan zuten. Bertan, berrogei bat adituek gai desberdinetan azken aurrerapenak aurkeztu zituzten: plastikoen metalizaziotik barneko pertsonalizaziorako zuntz optikoko integrazioraino.

Parte-hartzaileek koloreak, testurak eta kalitatezko akaberak ukitu, sentitu eta probatu ahal zituzten, IMH material berriak, argiztapen teknologiak, material aurreratuak eta fabrikazio prozesuak ezagutzeko.

HABICek, Euskadiko Ekipamendu, Zur eta Diseinu Klusterrak, eremu hauetan diharduten sektoreko enpresa nagusiak hartzen ditu barnean: habitata eta etxea, zura, bulegoak, hiriguneak eta gune kolektiboak, ostalaritza, eta beste. Haien helburu nagusia elkartutako enpresen lehiakortasuna hobetzea da, lankidetzaren bitartez; hala, elkarrekin, bakarka gainditu ezineko erronka estrategikoei aurre egin diezaiekete. Horretarako, landu beharreko eremu lehenetsi batzuk zehaztu dituzte: teknologia, nazioartekotzea, ingurumena eta diseinua.

HABICekin bat eginez, Euskadiko diseinugintzan erreferentzia diren enpresekin batera lan egiteko erabakia gauzatu du CIDETEC Surface Engineering zentroak. Izan ere, gainazalak eta materialak prozesatzeko eta azkentzeko ingeniaritza-teknologiei buruz dakiena parteka dezake haiekin.

HABIC klusterrari buruzko informazio gehiago, hemen:

http://www.clusterhabic.com/

CIDETEC Surface Engineering eta Fischer izan ziren jardunaldiaren antolatzaile kideak. Bereziki kalitate-, laborategi-, ekoizpen sailetako arduradunei, prozesuetako ingeniariei, etab.i zuzendu zitzaien, eta xedetzat izan zuen industriara azalerak karakterizatzeko metodo instrumentalak eta azaleko propietateak industria-mailan behar bezala ebaluatzeko gakoak ematea.

Programan, aditu garrantzitsuek parte hartu zuten, eta hainbat gai azaldu zituzten, horien artean metodo elektromagnetikoak, X izpien fluoreszentzia, mikrogogortasuna, scratch testa, terahertzioen erradiazioa eta kolorea eta distira estalduretan.

Adituen azalpenen ostean, bertaratuek aukera izan zuten laginak in situ egiaztatzeko eta Fischer-ek emandako ekipoen erakustaldietan parte hartzeko.

CIDETECeko instalazioetan, iragan martxoan, CHOPIN proiektuaren 12. hilabeteko bilera egin zen. Hitzorduak partzuergoko kide guztien ordezkariak bildu zituen, eta Jesús Palenzuela izan zen antolatzaile eta hizlari nagusia, CIDETECen izenean.

Bileran zehar, lantaldeek egin dituzten jarduerak berrikusi ziren, eta bereziki erreparatu zitzaien WP3 taldeak lortutako emaitzei; hain zuzen ere, propietate omnifobikoak dituzten estaldurak garatzeko eta ezaugarritzeko dihardu talde horrek, itsaskortasun gutxiko estalduretan aplikatu ahal izan daitezen, intsektuetatik babestu eta, hala, aeronautikako fluxu laminarra zaintzeko.

CHOPIN proiektuak helburu bikoitza du: batetik, erresistentzia murrizteko erabili ohi diren gainazal mikrozulatuetan aplikatzeko moduko iraupen luzeko estaldura hidrofobikoak garatzea; eta, bestetik, kondizio errealetan intsektuen kontaminazioa arintzeko erabilitako estaldura-teknologiak eta -prozesuak baliozkotzea.

Partzuergoaren hurrengo aurrez aurreko bilera 2019ko irailean egingo da, VKIren (Von Karman Institute for Fluid Dynamics) instalazioetan, Saint-Genesius-Roden (Belgika).